ازاى تعمل ايميل على الشات

بسم الله الرحمن الرحيم

احبائى اعضاء الشات

كتير منكو بيصاب بصدمة لما ينزل نسخه جديده لان كل الاصدقاء بيتمسحو .

ولو واخد عضوية او اشراف او اونر كمان بيروح وكتير منا بردو بيحب يفتح الشات من اكتر من جهاز وطبعا بيدخل كل جهاز باسم جديد غير اسمة بس فى حل علشان نخلص من كل ده وهو الريجستر او ايميل على الشات بيحفظلك كل بيناتك واصدقائك .

الموضوع سهل وبسيط وانا عملتلكو شرح بالصور ان شاء الله يفيدكو بس ركزو معاية خطوة خطوة ولو فى اى استفسار او سؤال ممكن تكتبو الاستفسار او السؤال فى تعليق وان شاء الله هنرد علية .


نبدء بالشرح:


الاول لازم طبعا تكون فاتح الشات

وبعدين هتضغط على اسمك اول اسم فى القائمة اللى على اليمين زى الصورة .

اضغط على الصورة للتكبير

بعد كدا هتضغط على كلمة التسجيل الموجوده فى المربع الواضح بالصورة .

اضغط على الصورة للتكبير

بعد كدا نبدء بكتابة البينات تابع معاية الارقام على الصورة

1- هنا تكتب اسمك لازم يكون اكتر من 9 حروف وممنوع استخدام اى اشكال زى ( \-,) فقط حروف وارقام .


2- وهنا طبعا هتكتب الباس وارد بتاعتك لازم تكون على الاقل 6 ارقام .


3- هنا اكتب الباس وارد تانى للتأكيد .


4- هنا بقى هتكتب الايمال بتاعك ممكن يكون ياهو او هوت ميل او جى ميل اى اميال .

بس لازم يكون ايمال صحيح وشغال علشان هتجيلك رسالة علية .


5- علم فى المربع ده علشان تقول انك عندك 14 سنة او اكتر وانك موافق على شروط الخدمة .


6- بعد ما تخلص البينات اضغط على كلمة ريجستر ( Register ) زى ما واضح فى الصورة .


ملحوظة : بعد ما تضغك على ريجستر لو فى اى خطأ فى البينات بتاعتك
هتظهرلك الصفحة تانى وجنب المربع اللى فية الخطأ كلام صغير لونة احمر .

اضغط على الصورة للتكبير

لو كل بيناتك مظبوطة هتظهرلك الصفحة دى وفيها رسالة بتقول ان فية رسالة هتتبعتلك على الميل بتاعك
فى حوالى نصف ساعه .

اضغط على الصورة للتكبير
افتح الميل بتاعك هتجيلك رسالة زى اللى فى الصورة .

اضغط على الصورة للتكبير

اضغط على الرابط ده زى ما ظاهر فى الصورة .

اضغط على الصورة للتكبير

كدا تبقى تقريبا خلصت اول ما تظهرلك الصفحة دى .

اضغط على الصورة للتكبير
اقفل الصفحات اللى فاتت كلها وافتح الشات تانى ومبروك انت كدا بقيت من اصحاب الريجسترات .

اضغط على الصورة للتكبير

اتمنى يكون الشرح سهل ويكون حد فهم حاجة

مع تحياتى